Meta mietu Steve Jobs, Muammar Gaddafi u Bin Laden, kulħadd kien ħadha bħala ċajta. Iżda issa, is-sitwazzjoni qed issir serja. Kull meta l-plejer ta’ Arsenal Aaron Ramsey isib ix-xibka, l-għada imut xi ħadd popolari.
Is-Sibt il-plejer minn Wales skurja kontra Sunderland fil-kompetizzjoni tal-FA Cup – u tard il-Ħadd bil-lejl, miet il-kantant David Bowie.
L-istess ġara meta mietet Whitney Houston erba’ snin ilu. Dakinhar ukoll, kien skorja kontra Sunderland u l-għada instab il-katavru tal-kantanta f’appartament, wara li kienet mietet b’overdose ta’ droga.
Fit-30 ta’ Novembru 2013, Ramesy skurja kontra Cardiff, u l-għada kien miet l-attur popolari Paul Walker sinonimu mas-serje ‘Fast and Furious’.
Fl-10 t’Awwissu tal-2014 l-attakkant ta’ Arsenal skurja kontra Manchester City, u l-għada kien miet l-attur komiku Robin Williams.
