Komplew id-diskussjonijiet bejn il-goalkeeper ta’ Mosta FC Yenz Cini u St.Andrews FC Malta li jixtiequ li dan ikun is-sostitut ta’ Kris Calleja, li ngħata r-release fl-aħħar jiem.
Id-deċiżjoni finali mill-partijiet konċernati mistennija tittieħed għada. Replay għamel ukoll kuntatt mal-istess goalkeeper li kkonferma dawn id-dettalji.
Intant St.Andrews FC Malta laħqu ftehim mal-attakkant ta’ 27 sena mill-Benin Salomon Wisdom li lagħab żewġ logħbiet mat-tim nazzjonali ta’ pajjiżu.
Matul il-karriera tiegħu hu lagħab ma’ Soleil FC, MŠK Žilina Matador Puchov, FC ViOn Zlaté Moravce, UD Melillaa, Ashanti Gold SC u Club Valencia.
Wisdom jingħaqad mal-klabb b’self mingħand Mosta FC.
Intlaħaq ftehim ukoll minn St.Andrews FC Malta għall-akkwist tad-difensur ċentrali Korean Bong Won Che li kien żvelat minn Replay bħala akkwist possibbli l-ġimgħa li għaddiet.
