L-attakkant ta’ 29 sena, Ian Zammit m’għadux plejer ta’ Mosta wara li laħaq ftehim mal-klabb sabiex jingħata r-release. Zammit, li hu prodott ta’ Valletta, dan l-istaġun lagħab 12-il darba ma’ Mosta u skorja tliet darbiet.
Fil-passat Zammit lagħab ukoll ma’ Ħamrun Spartans u Sliema Wanderers, hekk kif wieħed jistenna min se jkun il-klabb li se jirnexxilu jikseb il-firma ta’ dan l-attakkant matul dan ix-xahar tas-suq tat-trasferimenti.
