“Minn naħa ta’ Valletta FC is-sitwazzjoni hi ċarissima, Michael Mifsud jaf fejn ġej u jaf jekk iridx jingħaqad ma’ Valletta iżda hemm parti oħra li hi Sliema Wanderers.”
Qal dan il-kowċ ta’ Valletta F.C. Paul Zammit waqt Replay Ikompli fuq Radio 101 fejn ikkonferma l-aħbar ta’ Replay li Michael Mifsud jista’ jingħaqad ma’ Valletta wara li diġa’ kien hemm diskussjonijiet mal-plejer.
Zammit kompla li hu jixtieq li l-klabb jakkwista Malti ieħor. Dan filwaqt li kompla li jekk Mifsud jitlaq, ikun imminenti t-tluq ta’ Jean Pierre Mifsud Triganza, mhux għax il-plejer jew il-klabb xtaqu li jitlaq iżda għaliex bl-akkwist ta’ Mifsud l-ispazju għalih jonqos.
