MALTA……………..3
LATVJA………………0
It-tim nazzjonali Malti tan-nisa kiseb rebħa ta’ 3-0 f’partita ta’ ħbiberija kontra l-Latvja li ntlagħbet fis-Centenary Stadium. Din kienet waħda minn żewġ partiti ta’ ħbiberija li se jilgħab it-tim Malti kontra l-istess tim fi spazju ta’ ġimgħa hekk kif għada tintlagħab it-tieni waħda fl-istess grawnd fis-2.30pm.
Illum il-Maltin kienu fi klassi għalihom u dawn fetħu l-iskor fit-18-il minuta b’gowl ta’ Martina Borg. Fit-tieni taqsima spikkat Ylenia Carabott li skurjat doppjetta. L-ewwel gowl wasal mas-siegħa logħob u t-tieni wieħed wasal sitt minuti mit-tmiem.
Ta min jiftakar li dawn il-partiti se jservu bħala preparazzjoni għall-plejers għall-partiti mill-Grupp tal-kwalifikazzjoni tal-Kampjonati Ewropej li jmiss.
