Salvatore Toscano hu tifel ta’ għaxar snin minn Birkirkara iżda li għandu dixxendenza Taljana wkoll. Hu beda jsuq il-cart tiegħu fl-età tenera ta’ erba’ snin u pparteċipa b’suċċess b’tiġrijiet lokali varji kontra persuni tal-età tiegħu kif ukoll dawk akbar. Fl-aħħar snin Toscano ħa sehem f’tiġrijiet ġewwa Sqallija kif ukoll f’partijiet mill-Italja.
Riċentament, scout Taljan segwa lil dan it-tifel tant li Toscano għamel xi testijiet mal-mannifatur popolari Lenzokart. Hu għadda b’suċċess mit-testijiet biex b’hekk sar parti mit-tim ta’ Lenzokart kif ukoll qed jieħu sehem f’tiġrijiet madwar l-Italja għal kampjonat ta’ WSK u l-kampjonat Nazzjonali tal-Italja fil-kategorija 60 Mini.
