Qormi Poiatti v Young Stars 2-1
Il-logħba bejn dawn iż-żewġ timijiet huma dejjem interessanti u li jipproduċu riżultati differenti li xi drabi jinkludu xi riżultati b’ħafna gowls. Qormi bdew tajjeb u bdew jisfurzaw diversi penalty korners iżda minkejja l-pressjoni fuq Young Stars, ma rnexxilhomx jiftħu l-iskor. Fi tmiem l-ewwel taqsima, meta Young Stars bdew bdew jitfgħu ftit pressjoni fuq id-difiża avversarja, Qormi marru fil-vantaġġ fl-34 minuta meta mit-tmien penalty korner, Zachary Degiovanni skorja b’volley fin-naħa ta’ fuq.
Fit-tieni taqsima, Young Stars kienu aktar avventurużi fl-attakk iżda sofrew it-tieni gowl fit-43 minuta meta l-konklużjoni ta’ Juan Sarcia ġiet devjata qabel ma spiċċat fix-xibka għal 2-0. Erba’ minuti wara Mark Camilleri irnexxilu jnaqqas id-distakk b’konklużjoni mill-isbaħ biex reġa’ fetaħ il-logħba. Wara dan il-gowl, Young Stars kellhom l-inizjattiva iżda ma rnexxilhom jieħdu vantaġġ mis-seba’ penalty korners li kellhom biex Qormi żammew il-vantaġġ minimu u baqgħu b’punti massimi.
Umpires: Luke Busuttil Leaver Robert Aquilina
Lightshop Hotsticks v Laferla White Hart 1-0
Lightshop Hotsticks saħħew it-tieni post meta għelbu lil Laferla White Hart 1-0. Hotsticks ħadu l-vantaġġ wara biss żewġ minuti meta Julian Zahra kkonkluda azzjoni tajba li bdiet min-nofs il-grawnd. White Hart wettqu reazzjoni immedjata u sfurzaw tliet penalty korners sas-seba’ minuta, filwaqt li fallew okkażjoni tajba ta’ gowl bejniethom.
Hotsticks imbagħad iddominaw il-logħob f’nofs il-grawnd, iżda White Hart dejjem kienu perikolużi bil-kontrattakk u komplew jippruvaw jikkonkludu lejn il-lasta avversarja. Tmiem l-ewwel taqsima spiċċat b’Hotsticks b’gowl vantaġġ.
White Hart kellhom tliet penalty korners kmieni fit-tieni taqsima bil-logħba tiżviluppa f’konfront missielet bl-ebda quarter ma jintalab jew jingħata. Id-difiżi kienu dejjem lesti u fl-aħjar kundiizzjoni bil-plejers ta’ nofs il-grawnd jiddominaw bit-teknika tagħhom. Iż-żewġ timijiet fallew diversi okkażjonijiet ta’ skor madwar is-60 minuta, b’Hotsticks jgħaddu l-ħin biex żammew għal vantaġġ bikri.
Umpires: Shawn Mifsud Glen Bonello
Klassifika wara ħames logħbiet:
Qormi Poiatti 10 punti, Lightshop Hotsticks 7 punti, Young Stars 4 punti, Laferla White Hart 3 punti, Rabat mingħajr punt.
