Għall-ewwel darba fl-istorja tal-Eurovision, Spanja se tikkompeti b’kanzunetta bl-Ingliż.
Dan wara li fil-kompetitiżjoni li saret din il-ġimgħa, panel mħallat ta’ esperti u l-pubbliku għażel il-kanzunetta bl-Ingliż ‘Say Yay!’ tal-kantanta Barei.
Barei qalet li kienet saret pressjoni fuqha biex tinkludi xi kliem bl-Ispanjol fil-kanzunetta, imma jidher li fl-aħħar mill-aħħar l-affarijiet tħallew kif inhuma. Dan fid-dawl li 15 mis-16-il kanzunetta rebbieħa tal-Eurovision tkantaw bl-Ingliż.Iżda fi Spanja dejjem kien hemm reżistenza kbira li l-kanzunetta tal-Eurovision titkanta b’lingwa oħra ħlief bl-Ispanjol. Spanja ilha ma tirbaħ mill-1969.
L-unika darba li kien hemm erba’ rebbieħa tal-festival bi Spanja tirbaħ bil-kanzunetta ta’ Salomé “Vivo cantando” filwaqt li r-rebbieħa l-oħra kienu Lulu għar-Renju Unit bil-kanzunetta “Boom Bang-a-Bang”, l-Olandiż Lenny Kuhr bil-kanzunetta “De Troubadour” u l-Franċiża Frida Boccara bil-kanzunetta “Un jour, un enfant”.
Barei, li għandha 32 sena u hi minn Madrid, qalet li hi m’għandha xejn kontra l-lingwa Spanjola, iżda temmen li bl-Ingliż il-kanzunetta kellha appell internazzjonali akbar.
L-Eurovision ta’ din is-sena se ssir fi Stokkolma fl-Iżvezja fl-14 ta’ Mejju.
Barei kienet kantanta li ħadd ma kien sema’ biha qabel u qatt ma ħarġet xi diska. Imma meta f’Jannar ħarġet b’din id-diska, din malajr sparat fil-klassifika Spanjola.
