Il-produzzjoni teatrali ‘Ħabbilni Ħa Nirbaħ’ tinsab mingħajr Direttur Teatrali, wara r-riżenja ta’ Sean Buhagiar, u mingħajr id-diżinjatur tas-sett Adrian Mamo, li rriżenja qabel it-tlestija tas-sett.
Jidher li Buhagiar irriżenja wara argument jaħraq mal-Producer Eżekuttiv Mario Philip Azzopardi, waqt li attenda l-ewwel full rehearsal nhar il-Ħadd li għadda, ħamest’ijiem qabel l-ewwel rappreżentazzjoni.
Ir-riżenja ta’ Adrian Mamo seħħet wara inċident ieħor, din id-darba li seħħ it-Tnejn li għadda, hekk kif jidher li Azzopardi kellu argument ieħor fuq is-sett teatrali. Minflok Mamo ma nħatar ħadd u Azzopardi ddeċieda li jkompli jiddiżinjah hu.
Mario Philip Azzopardi kien id-direttur ta’ kampanja tal-Partit Laburista li dehret fuq it-televiżjoni qabel l-elezzjoni ġenerali tal-2013.
//= $special ?>