Matul ix-xahar li għadda kienu rrappurtati madwar 97 każ ta’ swine flu. In-numru ta’ każi rrapurtati f’Malta fl-aħħar ġimgħat hu aktar minn dak li kien irrapurtat mis-sena l-oħra.
Dan kien irraportat fil-gazzetta The Times u anke minn kelliem għall-Ministeru tas-Saħħa. Għall-ewwel ġimgħatejn ta’ Frar jirriżulta li n-numru ta’ każijiet ta’ swine flu kienu ħafna iżda s’issa għadhom ma’ ħarġux ċifri. Minn naħa tiegħu l-Ministeru tas-Saħħa qed jgħid li s-sitwazzjoni hi taħt kontroll u li ll-virus A H1N1, tal-iswine flu kif kien fl-2009 issa qed ikun trattat bħala influwenza normali. Jirriżulta wkoll li n-numru ta’ każijiet li qed jiżdiedu jista’ jkun minħabba li qed isiru testijiet aktar rigorużi grazzi għal apparat mediku aktar avvanzat.
Dwar il-każijiet ta’ priġunieri li fl-aħħar ġimgħat kellhom jittieħdu l-Isptar għall-kura minħabba l-virus A H1N1, u li kawża t’hekk mietu żewġ priġunieri, skont il-Ministeru għall-Intern is-sitwazzjoni l-ħabs issa hi taħt kontroll.
