L-artist vokali ta’ Looney Tunes, Joe Alaskey, tilef il-battalja tiegħu mal-kanċer iktar kmieni dan ix-xahar. Alaskey kellu 63 sena u miet f’Los Angeles.
Għalkemm ismu forsi mhux daqstant magħruf, il-vuċi tiegħu żgur hi. L-artist interpreta l-karattri tant magħrufa Bugs Bunny, Sylvester il-qattus u Marvin The Martian. Imma aktarx jibqa’ l-iktar magħruf għal Daffy Duck, li għalih rebaħ Emmy Award fl-2004.
Alaskey kien ukoll il-vuċi ta’ Yosemite Sam, fil-film klassiku tal-1988 Who Framed Roger Rabbit li ħallat azzjoni miġbuda mal-animazzjoni. Kien ‘silef’ il-vuċi tiegħu wkoll għal Richard Nixon fil-film rebbieħ tal-Oscars Forrest Gump, u lil Stinkie fil-film Casper tal-1995.
Kien nominat għal żewġ unuri oħra, Annie Awards fl-2004 ukoll għal Daffy Duck, u għal Behind the Voice Actors Awards fl-2012 għal Tom and Jerry u għal The Wizard of Oz.
