Il-faċilita’ ta’ Wasteserv Malta fl-Imrieħel, fejn wieħed jista’ jieħu skart goff, perikoluż jew riċiklabbli, ilha ġimgħat mimlija imbarazz li għal xi raġuni jew oħra mhux jitneħħa.
Dan wassal għal sitwazzjoni fejn il-vetturi privati ta’ dawk li qed jieħdu l-materjal għar-rimi bilkemm fadlilhom fejn jimmanuvraw, kif jixhdu dawn ir-ritratti.
Fil-passat, u fuq bażi regolari, fil-faċilita’ kienu jintbagħtu containers biex jgħabbu l-materjal u jiġi dispost kif suppost. Madankollu jidher li dan ilu ma jseħħ bil-konsegwenza li issa l-faċilita’ tinsab fl-istat li juru r-ritratti.
