Sewwieq ta’ mutur sofra feriti ħfief wara li ntlaqat minn vettura fil-by-pass ta’ Birkirkara.
Il-każ seħħ ftit wara l-10am meta, għal xi raġuni, seħħ l-impatt bejn il-vettura u l-mutur.
Fil-post waslu l-Pulizija u tim mediku mill-Isptar Mater Dei, bir-raġel jittieħed l-Isptar wara li ngħata l-ewwel għajnuna fil-post.
Hemm, hu ġie ċċertifikat li qed isofri minn feriti ħfief.
Il-Pulizija qed tinvestiga l-każ.
