F’inċident tat-traffiku li seħħ kmieni dalgħodu għal ħabta tat-tlieta neqsin għaxra raġel ta’ 37 sena minn Birkirkara tilef il-kontroll tal-vettura Volkswagen Golf u baqa’ tiela’ ġo roundabout.
L-inċident seħħ fi Triq il-Belt Valletta l-Imdina.
Fuq il-post issejħet ambulanza fejn ħadet lill-vittma l-Isptar Mater Dei. Aktar tard huwa ġie ċċertifikat li qiegħed isofri minn ġrieħi ta’natura gravi iżda ma jinsabx fil-periklu tal-mewt.
L-investigazzjonijiet tal-Pulizija għadhom għaddejjin.
