L-atleta li lbieraħ tilef ħajtu wara li ħassu ħażin ftit metri biss bogħod mit-tmiem tal-Maratona ta’ Malta kien esperjenzat fil-ġiri tant li kien jifforma parti minn grupp bl-isem ta’ ‘Michelle’s Running Group’.
F’messaġġ fuq Facebook, martu Nicola esprimiet id-diżappunt tagħha għal din it-traġedja li laqtet il-familja b’żewġ tfal żgħar.
“Kien iħobb jiġri, u kien iħobbkom kollha,” kitbet Nicola f’Michelle’s Running Group fuq Facebook. Kompliet li “waħda mill-aħħar kelmiet li għidna lil xulxin kienet “ix-xewqa tiegħu li s-sena d-dieħla niġru l-maratona flimkien bħala grupp.”
Mike Freeman kien ukoll membru tal-istaff ta’ Notley Green Primary School ta’ Braintree.
