Tifla li għandha 9 snin mietet waqt titjira minn Shanghai lejn Munich kmieni dalgħodu.
It-tifla kienet passiġġiera f’Airbus A340-600 tal-Lufthansa. Rapporti qed jgħidu li f’waqt minnhom hi waqfet tieħu n-nifs, u mal-ewwel ingħatat l-ewwel għajnuna abbord l-ajruplan – iżda dan kien kollu għalxejn.
Il-vittma hija Ċiniża, b’passaport Taljan.
It-titjira LH727 kellha tinżel fl-ajruport internazzjonali ta’ Yemelyanovo fil-belt Russa ta’ Krasnoyark.
