Fil-Filippini nstab kadavru ta’ avventuruż Ġermaniż fi stat ta’ mummifikazzjoni abbord yacht li kien qed jinġarr mill-kurrenti tal-baħar qrib Barobo, f’Surigao del Sur.
L-awtopsja li saritlu kkonfermat li r-raġel, Manfred Fritz Bajorat, miet madwar sebat ijiem qabel instab kawża ta’ attakk tal-qalb.
Il-kadavru tiegħu spiċċa mummja u mhux fi stat ta’ dekompożizzjoni minħabba ir-riħ niexef, temperaturi għolja u arja mielħa li kien fiha.
Viċin ir-raġel instabet ukoll ittra lil martu, li ssepara minn magħha fl-2008 wara snin tivvjaġġa miegħu fl-avventuri li kien jagħmel. Hi mietet sentejn wara minħabba kanċer.
