Hekk kif il-kumpanija Ġermaniża tal-karrozzi BMW qed tfakkar il-100 sena ta’ attivita, svelat mudell ta’ karrozza għall-ġejjieni, il-BMW Vision Next 100′ (ritratt). Il-mudell ta’ karrozza hi dik magħrufa bħala concept car, jiġifieri il-ħolma tal-inġiniera tal-BMW tal-karrozza tal-ġejjieni u mhux għal bejgħ. Il-kumpannija nħolqot fis-7 ta’ Marzu tal-1916 biex tibni l-mutur tal-ajruplani Ġermaniżi għall-Ewwel Gwerra Dinija u wara adottat l-isem ta’ Bayerische Motorenwerke (BMW).
