Persuni armati darbu almenu persuna waħda, wara li fetħu n-nar qrib ristorant f’Pariġi. Skont il-Pulizija Franċiża, l-ewwel indikazzjonijiet juru li l-isparatura m’għandha l-ebda rabta ma’ attakk terroristiku, iżda huwa aktarx argument bejn żewġ minn nies li eskala. Il-Pulizija ikkonfermat ukoll li n-numru ta’ tiri sparati laqtu lill-vittma fl-istonku, għalkemm ma jinsabx fil-periklu tal-mewt.
L-aggressur prova jaħrab mill-post, iżda ftit wara inqabad mill-Pulizija u ġie arrestat. Il-media Franċiża qed tirraporta wkoll li ż-żewġ persuni l-oħra involuti fl-attakk għadhom ma nqabdux.
L-isparatura seħħet xhur biss wara li terroristi tal-ISIS kienu massakraw għexieren ta’ nies f’sensiela ta’ attakki fid-diversi nħawi tal-kapitali Franċiża. L-attakk seħħ propju fiż-żona ta’ Bastille, fir-ristorant bl-isem ta’ Chez Papa.
L-aħħar rapporti qalu li l-Pulizija arrestat persuna u li nies oħra konnessi mal-attakk jinsabu maħruba. L-iskop wara l-isparatura għadu mhux magħruf.
Aktar dettalji hekk kif jaslulna.
