Internazzjonali

Tensjoni tul il-fruntiera bejn il-Greċja u l-Maċedonja

14 ta' Marzu 2016
epa05211159 Migrants from a camp near Idomeni village, cross the river trying to find alternative way to cross the Greek-Macedonian border, near Idomeni, northern Greece, 14 March 2016. Greece has registered in its territory more of 44,000 migrants trapped due to entry restrictions already imposed by Macedonia in recent months, by denying entry to all those who are considered economic migrants, prohibiting the passage of Afghans, and finally denying entry to all Syrians and Iraqis who are not from combat areas. EPA/NAKE BATEV

Hemm tħassib li se jerġa’ jkun hemm inċidenti tul il-fruntiera bejn il-Maċedonja u l-Greċja. Dan wara rapporti li aktar minn 300 immigrant telqu mill-kamp tagħhom fil-Greċja diretti lejn il-fruntiera tal-Maċedonja bl-iskop li jippruvaw jaqsmu x-xmara li taqsam iż-żewġ pajjiżi. Huma telqu mill-kamp f’Idomeni fejn hemm miġbura madwar 14,000 persuna. Sforz tal-Pulizija biex ma jħallux dan il-grupp jitlaq mill-kamp ma swew għal xejn.
Dan hekk kif il-Pulizija fil-Maċedonja ħabbru li żewġt irġiel u mara, li aktarx huma immigranti, instabu mejta fi xmara qrib il-fruntiera Griega.
Bħalissa hemm madwar 40,000 immigrant imblukkati fil-Greċja wara li l-Maċedonja għalqitilhom il-fruntiera. Il-Pulizija qalet li l-katavri nstabu fix-Xmara Suva qrib il-belt ta’ Gevgelija.
L-UNHCR qalet li kien hemm 19-il immigrant li ddaħħlu f’kenn u tlieta oħra kellhom jingħataw kura wara li ppruvaw jaqsmu x-Xmara Suva.