Dalgħodu seħħew żewġ splużjonijiet qawwija fl-ajruport ta’ Zaventem fi Brussell.
Nies fil-post qed jgħidu illi raw dħaħen tilgħin mill-ajruport. Rapporti oħra qed jindikaw illi fil-mira kien hemm iċ-check-in desk tal-American Airlines.
Jidher illi kien hemm numru ta’ persuni li sofrew feriti kawża tal-isplużjonijiet, li seħħew għall-ħabta tat-8am. Eżatt wara, iddomina l-paniku fl-ajruport ta’ Brussell b’diversi persuni jiġu gwidati lejn il-ħruġ ta’ emerġenza bħala prekawzjoni.
Skont l-iskeda tal-lum, kellu jkun hemm titjira waħda li tħalli Malta lejn Brussell għall-ħabta tal-4pm.
Intant, l-awtoritajiet għalqu kompletament l-ajruport u kull ferrovija minn u lejn Zaventem ġiet sospiża.
Aktar informazzjoni hekk kif taslilna.
