B’erbat itfal, Aisha jkollha tgħix f’dak li qabel kien uffiċċju bi tliet kmamar. Iżda minkejja sitwazzjoni ta’ faqar, hi ppruvat tagħmel li tista’ biex kemm jista’ jkun il-familja tgħix komda, tant li nefqet iċ-children’s allowance biex irranġat kemm setgħet il-propjeta’ u xtrat xi għamara.
Madankollu l-umdita’ tal-post mill-ġdid għamlitilha ħsara kbira, u l-post baqa’ żgħir tant li bilkemm għandhom fejn jiċċaqilqu. Hi u binha jorqdu fl-istess sodda.
Il-familja tixtieq tirranġa s-sitwazzjoni tagħha, b’uliedha jistudjaw u jittamaw li jkunu jistgħu jsibu xogħol ħalli bil-paga tagħhom jgħinu lil ommhom tirranġa l-post.
Min jixtieq jgħin lil din il-familja jew għandu xi storja umana oħra li jixtieq jaqsam magħna jista’ jagħmel kuntatt fuq matthew.mamo@media.link.com.mt. Il-familja ma tixtieqx tiddependi biss fuq il-karita’, anzi bint Aisha tixtieq taħdem, idealment f’xogħol li jkompli mal-istudju tagħha fil-business u l-accounting, biex bil-paga ttejjeb il-ħajja tal-familja.
