Għal Lucia Vella ta’ 77 sena, l-Għid il-Kbir hija festa partikolari.
Dan għaliex, sena wara l-oħra, il-purċissjoni bil-vara ta’ Kristu Rxoxt tieqaf quddiem id-dar tagħha u l-banda saħanistra ddoqq marċ għaliha.
Lucia għandha 77 sena u qaltilna li trabbiet u għexet fl-istess dar li toqgħod fiha illum f’Bormla. Tiftakar id-drawwiet jibdilu matul iż-żmien. Pero Lucia assiguratna, li minkejja li ħafna drawwiet inqatgħu jew inbidlu, din il-festa għadha ħajja fil-qlub tal-Bormliżi.
Iżda għaliex jieqaf il-marċ quddiem id-dar ta’ Lucia fi Triq Santa Margerita sena wara oħra?
Ara silta mill-intervista ma’ Lucia fil-filmat. L-intervista sħiħa tixxandar fil-bulettin ta’ Net News fis-7.30pm.
