‘Il Quddiem hi t-tema tal-kampanja tal-għaqda studenteska SDM, Studenti Demokristjani Maltin, għall-elezzjoni tal-Kunsill tal-Universita’, l-KSU.
It-tnedija tal-kampanja saret l-Erbgħa filgħodu fl-Universita’ ta’ Malta bil-President tal-SDM, Ian Zahra, jippreżenta l-kandidati għal din l-elezzjoni.
Ian Zahra spjega kemm hu importanti li l-istudenti Universitarji jipparteċipaw fl-elezzjoni sabiex ikun iffurmat il-Kunsill tal-Istudenti Universitarji li jaħdem fl-aħjar interess tal-istudenti.
Normalment l-elezzjoni tal-Kunsill Studenti Universitarji issir f’April. Iżda din is-sena għadu mhux ċar jekk hux se ssir għaliex l-għaqda studenteska Pulse ddeċidiet li ma tikkontestax għal din l-elezzjoni.
