It-tieni grupp ta’ immigranti ddeportati vvjaġġaw bil-vapurett mill-Greċja għat-Turkija, bħala parti minn ftehim mal-Unjoni Ewropea intiż biex inaqqas mill-ammont ta’ immigranti li qegħdin jaslu l-Ewropa minn diversi zoni tad-dinja.
Il-vapurett mgħobbi b’45 Pakistani telaq mill-port ta’ Mytilene, f’Lesbos, lejn Izmir minkejja l-isforzi tad-dimostranti biex il-vjaġġ ma jsirx.
Nhar it-Tnejn, madwar 200 immigrant, fil-parti kbira Pakistani, kienu ddeportati mill-gżejjer Griegi skont il-ftehim tal-UE mat-Turkija, li, fl-aħħar xhur, serviet bħala rotta ewlenija minfejn qegħdin jgħaddu immigranti li m’għandhomx id-dokumenti xierqa. Intant, il-proċess biex l-immigranti jintbagħtu lura lejn it-Turkija kellu jieqaf għal xi ġranet fost spinta ta’ applikazzjonijiet għall-kenn politiku fil-Greċja.
