L-istazzjon tal-metro ta’ Maelbeek fi Brussel reġa’ fetaħ għall-pubbliku xahar wara li kien fil-mira ta’ attakk terroristiku. Attakk li seħħ fl-istess ħin li kien attakkat l-ajruport ta’ Zaventem u li kien ħalla 32 persuna mejta, 16 f’Maelbeek.
L-istazzjoni hu miftuħ parzjalment biex bil-mod il-mod jerġa’ jibda jintuża fil-kapaċità kollha tiegħu. Dan fost għassa kbira.
Fl-istazzjon ftit li xejn kienet saret ħsara strutturali fl-attakk u issa hemm memorjal ta’ tifkira tal-attakk permezz ta’ kitba fuq parti minn ħajt mill-qraba tal-vittmi u dawk li salvaw. Dawn żaru l-post is-Sibt li għadda.
L-ajruport ta’ Zaventem f’Brussel diġà kien beda jintuża imma b’mod limitat u mistenni jerġa’ jibda jintuża fis-sħiħ lejn Ġunju.
