Il-Prim Ministru Joseph Muscat u l-Ministru Konrad Mizzi, jgħidu li mediċini Out-Of-Stock huma xi ħaġa tal-passat. Fi kliem ieħor gvern Laburista jgħid li mediċini out-of stock m’hemmx.
Iżda dan mhux minnu hekk kif għand Net News waslet lista ta’ mediċini li propju huma out-of-stock.
F’din il-lista hemm imsemmija 32 mediċina differenti.
Fost dawn il-mediċini hemm pilloli tal-pressjoni u tal-kolesterol. Hemm anke mediċina għall-epilessija u għall-mard mentali li hi out-of-stock u anke pilloli għall-qalb.
Qabel l-elezzjoni ġenerali l-Partit Laburista għamel kampanja sħiħa jwiegħed lill-poplu li taħt gvern laburista mediċini out-of-stock ma jibqax ikollna.
Persuni li tkellmu ma’ Net News spjegaw kif kważi dejjem l-istess pilloli jkunu out of stock. Dan qed iwassal biex uħud mill-pazjenti qed jispiċċaw imorru jixtru l-mediċina huma minn flushom.
