Ġiet fi tmiemha b’suċċess iż-żjara f’pajjiżna tal-ikona Juventina David Trezeguet.
Hu kien akkumpanjat f’Malta minn membri tal-familja tiegħu kif ukoll mill-eks diriġent ta’Juventus FC u President Onorarju tal-Juventus Club DOC Vero Amore Luciano Moggi.
Matul din iż-żjara, Trezeguet kellu l-opportunità li jiltaqa’ ma’ mijiet ta’ supporters ta’Juventus FC, iżur xi postijiet b’rabta storika f’Malta, kif ukoll iżur is-sede tal-JuventusClub DOC Vero Amore.
Trezeguet ħalla Malta ilbieraħ, fejn qabel telaq stqarr kemm kien affaxxinat bis-sbuħijata’ pajjiżna. Trezeguet żar il-Forti Sant’Anġlu fil-Birgu matul il-ġurnata tal-Ħamis, fejnbaqa’ impressjonat partikolarment bis-sbuħija tal-Port il-Kbir, iżda ukoll bl-istorja kbira ligħandha Malta minkejja ċ-ċokon tagħha. David Trezeguet esprima x-xewqa li jirritorna mal-familja tiegħu fil-futur qarib.
Il-President tal-Juventus Club DOC Vero Amore Joseph Fenech iddeskriva lil David Trezeguet bħala mudell mhux biss fil-karriera professjonali tiegħu, iżda ukoll fil-ħajja tiegħu barra l-ground tal-football. Il-Maltin u l-Għawdxin setgħu jaraw persuna umli u disponibbli, u l-aktar importanti persuna li tifhem u tapprezza r-rispett kbir li jiġi espress lejh minn mijiet ta’ nies kull fejn imur. Is-Sur Fenech irringrazzja ukoll pubblikament ukoll lil Luciano Moggi li kien strumentali biex din iż-żjara sseħħ u tirnexxi b’suċċess ta’ din l-iskala.
Il-Kumitat tal-Juventus Club DOC Vero Amore rringrazzja lil kull min attenda għall-attivitajiet organiżżati tal-koperazzjoni u l-edukazzjoni li ġiet murija. Dan jawgura tajjeb sabiex tiġġedded il-ħidma li diġa’ qed issir u jiżdiedu dat-tip ta’ żjarat fil-futur qarib.
L-attività li jmiss ser tkun l-iStreet Party fl-okkazjoni tal-Finali tat-TIM Cup kontra AC Milan nhar is-Sibt 21 ta’ Mejju mis-6pm ‘il quddiem fit-triq ta’ quddiem is-sede tal-Club f’Birkirkara. Kulħadd huwa mistieden jattendi u l-attivita’ hija mingħajr ħlas.
