Feġġet mill-ġdid kriżi ta’ nirien fil-Kanada meta madwar 12,000 persuna, fil-parti kbira nett ħaddiema fis-settur taż-żejt, kienu mħeġġa biex jabbandunaw il-belt ta’ Fort McMurray, fil-provinċja ta’ Alberta.
L-istess belt, fl-aħħar jiem, kienet ġarrbet l-agħar ta’ nirien tal-foresta inkontrollabbli, bl-allert ġdid iseħħ b’reazzjoni għal nirien ġodda li qabdu u li kienu qed javvanzaw lejn il-kampijiet tal-ħaddiema taż-żejt.
L-aħħar rapporti qalu li mat-8,000 persuna ngħataw direttivi biex jevakwaw mill-inħawi ta’ Fort McMurray bħala prekawzjoni, wara li direttiva simili kienet ingħatat, qabel, lil xi 4,000 oħra.
M
adwar ġimagħtejn ilu, ’il fuq minn 80,000 persuna kienu kostretti jaħarbu min-nirien storiċi li ħakmu dik il-belt u issa, l-osservaturi qalu li n-nirien enormi li sa ftit ilu kienu tbiegħdu minn Fort McMurray jidhru li qed jheddu mill-ġdid din iz-zona.
Dan fost konferma li l-kwalità tal-arja fil-belt partikolari għadha perikoluża għas-saħħa.
