Bħalissa f’Basel fl-Iżvizzera, qed tintlagħab il-finali tal-Europa League bejn il-holders Sevilla u Liverpool.
Diversi partitarji jinsabu preżenti biex jappoġjaw lit-tim favorit tagħhom, fosthom diversi Maltin.
Il-filmat ta’ Kurt Saliba, wieħed mill-partitarji Maltin li jinsab f’Basel biex jappoġja lit-tim favorit tiegħu Liverpool FC, saħansitra intwera fuq Sky News u The Sun.
Kif jidher sew f’dan il-filmat, waqt iċ-ċelebrazzjonijiet ta’ qabel il-logħba, Saliba jidher jiċċelebra dan il-mument li t-tim favorit tiegħu għamilha sal-finali, b’riżultat li l-filmat tiegħu dar diversi siti internazzjonali.
Min jirbaħ illejla jikseb id-dritt li f’Awwissu li ġej jikkontesta l-finali tal-UEFA Super Cup kontra r-rebbieħ taċ-Champions League, jiġifieri Real Madrid jew Atletico Madrid. Barra minn hekk it-tim rebbieħ jikseb aċċess għall-fażi tal-gruppi taċ-Champions League
Skor finali: Sevilla 3 – 1 Liverpool
