Il-Prim Ministru Eġizzjan Sherif Ismail għadu ma ta l-ebda dettalji dwar dan il-każ delikat li żviluppa dalgħodu, fejn sa issa għadna ma nafux x’seħħ mill-ajruplan tal-Egyptair. Sherif kien kwotat jgħid illi l-awtoritajiet ma jafux eżatt x’ġara.
Meta indirizza lill-ġurnalisti fl-ajruport tal-Kajr, Ismail qal li għadu kmieni wisq biex jitkellem.
Konferenza tal-aħbarijiet hija skedata fis-1pm.
Intant, diversi bastimenti li jinsabu barra l-kosta Eġizzjana (ritratt) bħalissa qed jgħinu fit-tfittxijiet għal dawk li jistgħu ikunu fdalijiet tal-ajruplan li għeb għal kollox minn fuq ir-radar kmieni dalgħodu.
