Il-poplu fis-Sri Lanka, bħalissa, qed jiffaċċja kriżi kbira ta’ għargħar wara l-akbar ħalbiet tax-xita f’dan il-pajjiż għal kwart ta’ seklu.
Is-Srilankani fil-belt kapitali ta’ Kolombo, fil-preżent, qegħdin jużaw iċ-ċattri u d-dinghies biex joħorġu mill-kwartieri li ġarrbu l-agħar effetti tal-għargħar. Dan waqt li uffiċjali lokali kkonfermaw li madwar nofs-miljun ruħ kienu kostretti li jaħarbu mir-residenzi tagħhom madwar is-Sri Lanka.
Il-maltemp fis-Sri Lanka kkaġuna wkoll il-valangi tat-tajn b’riżultati kastrofiċi u meta jafu li mietu aktar minn sittin b’kaġun tal-elementi. In-numru tal-vittmi mistenni jitla’ sew meta ammont kbir ta’ Srilankani għadhom irrappurtati nieqsa.
Ħafna nies li kellhom jaħarbu minn djarhom sabu kenn fix-xelters, b’uffiċjali qegħdin joħorġu appelli għal ilma nadif, ikel u ħteġiet bażiċi oħra bħala forom ta’ għajnuna.
