Tal-anqas 17-il tifla tilfu ħajjithom f’nar li ħakem id-dormitorju tagħhom f’Chiang Rai fit-Tramuntana tat-Tajlandja.
In-nar beda il-Ħadd filgħaxija meta ħafna mill-bniet ta’ età bejn il-ħames snin u t-13-il sena fl-Iskola Pithakkiart Witthaya kienu reqdin. L-iskola kienet għat-tfal tat-tribujiet li jgħixu fl-inħawi. Hemm żewġ bniet li ndarbu serjament filwaqt li hemm ħamsa oħra li huma nieqsa.
Il-Pulizija lokali qalet li s’issa mhux magħrufa l-kawża tan-nar.
