Sar ftehim bejn il-Ministri tal-Finanzi taz-zona ewro u l-Greċja biex din tingħata 10.3 biljun ewro f’self mill-kredituri internazzjonali. Dan wara laqgħa li saret fi Brussell.
Il-Ministri ħallew ukoll il-bieb miftuħ għall-possibbiltà li jittaffa xi ftit mid-dejn Grieg – konċessjoni li kienet meħtieġa biex il-Fond Monetarju Internazzjonali (IMF) jibqa’ parti mill-proċess.
Din is-somma flus kienet kruċjali għall-Greċja biex tkun tista’ tħallas il-kontijiet li jiskadu f’Lulju.
F’Awwissu tas-sena li għaddiet, il-Greċja kienet ingħatat it-tielet bailout biex tevita l-falliment.
