Membri tal-Protezzjoni Ċivili kellhom jissejħu fil-Floriana, quddiem il-knisja ta’ Sarria, wara li duħħan deher ħiereġ minn karozza tal-linja iktar kmieni llum.
Jirriżulta li kollox beda minn ħsara fis-sistemà tal-arja kundizzjonata, bil-konsegwenza li mill-kompartament li jinsab fuq is-saqaf tal-vettura ħareġ ammont konsiderevoli ta’ duħħan.
Fortunatament ħadd ma weġġa’, bil-passiġġieri jiġu evakwati u rikbu karozza tal-linja oħra jew imxew l-aħħar biċċa tat-triq lejn il-Belt Valletta.
