Il-Papa Franġisku t-Tnejn kritika l-libertà kbira li biha wieħed jista’ jsib jixtri l-armi imma mbagħad meta l-ħaddiema umanitarji jippruvaw iqassmu l-ikel lil dawk fil-bżonn fiż-żoni ta’ gwerra jsibu ħafna ostakli.
Il-Papa qal dan waqt konferenza tal-Programm Dinji tal-Ikel (WFP) it-Tnejn filgħodu f’Ruma.
Il-Papa qal li fiż-żoni ta’ gwerra l-vittmi jiżdiedu għax apparti dawk li jkunu nqatlu mill-ġlied, ikun hemm dawk li qed ibatu l-ġuħ u l-għatx. Imbagħad il-Papa żied li llum il-ġurnata l-użu tal-armi saret il-mod preferut biex wieħed isolvi kwistjonijiet li qed iħarbtu d-dinja u mezzi oħra biex tinstab soluzzjoni qed ikunu injorati.
