Ninsabu qrib l-aħħar ġimgħa ta’ Ġunju u l-istaġun tal-festi issa qabad ir-rittmu tajjeb b’ammont ta’ festi iċċelebrati f’kull tmiem il-ġimgħa. Fost oħrajn fi tmiem din il-ġimgħa qed tkun iċċelebrata l-festa tal-Madonna tal-Ġilju fl-Imqabba.
Din is-sena din il-festa nediet proġett ambizzjuz ieħor. Dan hekk kif bdiet proġett ta’ sett trofej artistiċi kollox xogħol fl-injam.
Interessanti l-ammont kbir ta’ injam użat u l-mod kif inhu maħdum. Hu maħsub li sas-sena d-dieħla ikun hemm ammont ta’ trofej minn dawn lesti biex jitgawdew f’din il-festa.
Fi tmiem din il-ġimgha minbarra l-festa tal-Madonna tal-Ġilju fl-Imqabba, qed ikunu ċċelebrati wkoll il-Festa ta’ Santa Katerina fiż-Żejtun u wkoll il-Festa tal-Qalb ta’ Ġesu fil-Fontana Għawdex.
