Tifel ta’ 4 snin sofra ġrieħi gravi, iżda ma jinsab fil-periklu tal-mewt wara li ntlaqat minn karozza waqt li kien se jaqsam it-triq.
L-inċident seħħ għall-ħabta tal-ħdax u nofs ta’ dalgħodu fix-xatt ta’ Wied il-Għajn, meta t-tifel kien se jaqsam it-triq u baqa’ dieħel f’karozza li kienet għadeja. F’dak il-ħin il-karozza kien qed tinstaq b’veloċita’ baxxa.
It-tifel jidher li sofra xi ġrieħi f’saqajh u ttieħed l-isptar Mater Dei permezz ta’ ambulanza.
