Is-Sibt, f’Ħal Qormi se jittella’ spettaklu pirotekniku iffokat madwar torri partikolari… tower crane se jkun qed jinbidel għall-pjattaforma ta’ xogħol differenti pirotekniku. Fejn in-nar litteralment se jkun qed jiżfen mal-mużika.
B’kollox se jkun hemm aktar minn 7,000 element ta’ nar fi spettaklu msejjaħ Diamonds in the Sky.
Minbarra Diamonds in the Sky hemm ukoll spettaklu ta’ nar tradizzjonali.
Dan l-ispettaklu qed jittella’ bħala parti mid-disgħin anniversarju mit-twaqqif tal-kamra tan-nar. Il-festa li ddedikata lil San Ġorġ qed tiċċelebra wkoll il-275 anniversarju mill-wasla tal-vara titulari f’Ħal Qormi.
