Filmat qed jiġi xxerjat fuq siti internazzjonali dwar apparat stramb li nstab ma’ ATM fi Vjenna. Apparat ta’ tagħmir li tpoġġa mal-ATMs minn terzi persuni bl-iskop li jisirqu d-dettalji tal-klijenti minn fuq il-cards.
Segwi x’jiġri fil-filmat t’hawn taħt;
Benjamin Tedesco ir-raġel li ħa l-filmat huwa konsulent tas-sigurta’ fl-Istati Uniti u sab dan l-apparat f’ATM fiż-żona tal-Katidral ta’ San Stiefnu fil-Kapitali tal-Austria. Huwa qal li li din kienet rutina tas-soltu hekk kif hu jħobb dejjem jiċċekkja qabel jiġbed xi flus minn xi ATM.
Huwa qal li għamel rapport dwar din l-iskoperta lill-pulizja ta’ Vjenna.
