Għadha ma saret l-ebda applikazzjoni quddiem l-Awtorità tal-Ippjanar għal xi żvilupp fiż-Żonqor.
Il-Kumitat tal-Ambjent u l-Ippjanar tal-Iżvilupp ġie infurmat li għadha ma ġiet preżentata l-ebda applikazzjoni. Għaldaqstant għadu ma sar l-ebda studju dwar l-impatt fuq l-ambjent.
Il-Gvern approva l-allokazzjoni ta’ parti sostanzjali ta’ art fiż-Żonqor biex tinbena dik li kellha tissejjaħ bħala The American University of Malta.
Dan minkejja li t-terminu ta’ università ma japplikax peress li l-istitut propost ma jilħaqx il-kriterji għal dan il-grad edukattiv.
