F’Ruma l-Ħamis sar il-funeral tal-attur Carlo Pedersoli, magħruf aħjar bħala Bud Spencer, li miet fis-27 ta’ Ġunju f’età ta’ 86 sena. Kien hemm baħar nies, fosthom Terence Hill li miegħu ħadem ħafna films, fi Piazza del Popolo quddiem La Chiesa degli Artisti fejn saret il-quddiesa. Hekk kif inħareġ it-tebut, indaqqet il-mużika mill-film ‘Altrimenti ci arrabbiamo’ fost ċapċip kbir ta’ dawk preżenti.
