AĠĠORNATA : Illejla, il-ġurnalist sportiv u Viċi Sindku tal-Belt Christian Micallef u l-għarusa tiegħu Valenteen Camilleri ngħaqdu flimkien permezz tas-sagrament taż-żwieġ.
Il-koppja ilha flimkien għal dawn l-aħħar tmien snin u t-tnejn li huma ilhom iħejju għal din il-ġurnata speċjali diversi xhur.
Fuq Facebook, dalgħodu Valenteen spjegat kif illum se tkun qed tiżżewweġ “lill-ikbar ħabib, lil persuna li nargumenta u li nibki miegħu, lil persuna li jissaportjani u lil persuna li l-iktar inħobb.” Kitbet ukoll li se twiegħdu li se tkun mara fidila lejh.
Christian ukoll kiteb fuq Facebook u qal li jinsab eċitat ħafna sabiex jara lill-mara futura tiegħu timxi lejn l-altar. Apparti minn hekk hu rringrazjaha talli kienet hemm għalih kemm fit-tajjeb u anki fil-ħażin.
Christian Micallef ilu jagħmel parti mit-taqsima sportiva ta’ Net Media għal diversi snin u huwa l-preżentatur tal-programm popolari sportiv Replay.
