Fi Spanja, matador spiċċa tilef ħajtu meta sofra xebgħa qrun ta’ barri f’Teruel, f’Aragona fi Spanja waqt ġlieda li kienet qegħda tixxandar live fuq it-televiżjoni Spanjola.
Il-matador, Victor Barrio ta’ 29 sena kien meqjus wieħed mill-aqwa matadors fi Spanja u huwa l-ewwel matador li tilef ħajtu fi ġlieda sa mill-1985 meta Jose Cubero Sanchez magħruf bħala El Yiyo’ kien tilef ħajtu. Barrio ma mietx mill-ewwel u ttieħed l-isptar għal kura iżda tilef il-battalja mal-mewt ftit tal-ħin wara. Storiċi jgħidu sa mill-1700 tilfu ħajjithom 533 ġellied tal-barrin fi Spanja waqt ġlieda kontra barri.
Filwaqt li fortunatament inċident bħal dak li fih tilef ħajtu Barrio meta l-barri, Lorenzo, bil-qrun tah daqqa f’sidru, inċidenti fejn nies jisfaw feruti mhumiex rari. Fl-2013 biss 31 matador soffrew xi ġerħa, li varjaw minn ġrieħi ħfief għal ġrieħi li ħabba fihom il-matador kien fil-periklu tal-mewt.
Dan l-inċident ma’ kienx l-unika wieħed fatali fi Spanja il-bieraħ hekk kif żagħżugħ ta’ 28 sena tilef ħajtu meta tniffed minn qrun ta’ barri waqt it-tiġrijiet tal-barrin fil-villaġġ ta’ Pedreguer qrib Valencia.
TWISSIJA TA’ FILMAT GRAFIKU
