Se jiġi organizzat kunċert rock biex titfakkar il-memorja ta’ Manuel Micallef, magħruf bħala DJ Lito li miet f’inċident tat-traffiku fit-28 ta’ Ġunju li għadda.
DJ Lito kien sinonimu mal-mużika rock. Hu ħadem bħala disk jockey ma’ numru ta’ stazzjonijiet tar-radju, inkluż Radio 101, Filfatt, waqt il-kunċert bl-isem ta’ ‘Ir-Rock it-Tajjeb’ se jipparteċipaw 26 band u artisti flimkien ma’ mużiċisti oħra.
DJ Lito ħalla din id-dinja fl-età ta’ 47 sena wara li nqeleb fuq ġenb tal-karozza u spiċċa maqbud fiha.
Il-kunċert se jkun organizzat mill-IRIT Concert Organisers u se jittella nhar is-Sibt 16 ta’ Lulju fil-kumpless Aria f’San Ġwann. Għalkemm id-dħul huwa b’xejn, kull min jattendi qed ikun mħeġġeġ sabiex jagħti donazzjoni b’risq il-Malta Community Chest Fund.
