Hemm possibbilta kbira li Donald Trump, il-kandidat Repubblikan għall-Presidenza, aktarx jagħżel lil Mike Pence, il-Gvernatur tal-Istat ta’ Indiana, biex ikun il-kandidat tiegħu għall-kariga ta’ Viċi President.
Hu mistenni li Trump iħabbar il-kandidat il-Ġimgħa.
Nhar it-Tlieta, Trump, waqt rally politiku f’Indiana stqarr li ma kienx jaf jekk Pence kienx se jibqa’ Gvernatur inkella Viċi President u ftit wara ngħaqad mal-kandidat Repubblikan fuq il-palk.
Oħra li qed jissemmew jinkludu lil Newt Gingrich, l-eks-Speaker tal-Kamra tar-Rappreżentanti, il-Gvernatur ta’ New Jersey Chris Christie u l-eks-Logutenent Ġenerali Michael Flynn.
Fil-każ ta’ Hillary Clinton, li wkoll se tkun konfermata uffiċjalment bħala l-kandidat tal-Partit Demokratiku fil-ġranet li ġejjin, hemm spekulazzjoni dwar min se tagħżel għall-kariga ta’ Viċi President.
Fost dawn qed jissemgħu Tim Kaine, Senatur minn Virginia u Elizabeth Warren, Senatur minn Massachusetts. Fil-każ ta’ Warren, qabel ma bdiet il-kampanja Presidenzjali, ħafna Demokratiċi kienu qed jagħmlu pressjoni fuqha biex tikkontesta. Għalkemm anki fil-każ ta’ Clinton, apparti Warren u Kaine, hemm diversi ismijiet oħra li qed jissemmew.
