Titkompla t-tfittxija għal Bence Murinai, l-Ungeriż ta’ 17-il sena f’Marsalforn.
Jidher li ż-żagħżugħ niżel jgħum flimkien ma’ ħuh ta’ 15-il sena f’Marsalforn li tela’ l-art mingħajr diffikultà. L-Ungeriż deher l-aħħar fl-inħawi ta’ Għar Qawqla iżda sfortunatament ma rritornax lura lejn l-art.
It-tfittxija bdiet ilbieraħ filgħaxija, waqfet matul il-lejl u kompliet iktar kmieni dalgħodu. Il-Pulizija u d-Dipartiment tal-Protezzjoni Ċivili flimkien mal-membri tal-Forzi Armati ta’ Malta qed jaħdmu fuq t-tfittxija tal-Ungeriż.
