Franza t-Tnejn waqfet għal minuta silenżju b’tifkira għall-vittmi tal-attakk tal-ġimgħa li għaddiet f’Nizza.
Iżda fl-istess Nizza, il-Prim Ministru Manuel Valls safa’ mgħajjar mill-folla hekk kif mar fil-post tal-attakk għaċ-ċerimonja ta’ tifkira. Ċerimonja li saret quddiem baħar nies tul il-Promenade des Anglais – it-triq tul ix-xatt ta’ Nizza fejn fl-14 ta’ Lulju, Mohamed Lahouaiej Bouhlel, Tuneżin, saq għal fuq il-folla u qatel 84 persuna li kienu qed jaraw il-logħob tan-nar.
Aktar qabel, l-eks President Franċiż Nicolas Sarkozy kritika l-Gvern talli mhux qed jipprovdi s-sigurta li suppost fiċ-ċirkustanzi lit instab fihom Franza bħalissa. Hu żied ukoll li forsi wasal iż-żmien li dawk il-barranin li jitqiesu bħala theddida għas-sigurta nazzjonali għaliex jappoġġjaw l-estremiżmu Iżlamiku jibdew jiġu deportati.
