Kompliet il-mewġa ta’ arresti fit-Turkija b’rabta mal-attentat ta’ kolp ta’ stat ta’ tmiem il-ġimgħa li għaddiet, arresti li issa qabżu l-50,000 persuna u l-Erbgħa ra lil 99 bejn ġenerali u ammiralli jitressqu l-qorti b’akkużi marbuta mal-attentat ta’ kolp ta’ stat.
Apparti dan, wara li t-Tlieta kien hemm mewġa ta’ arresti fost l-għalliema, l-Erbgħa, il-Gvern Tork ordna li ebda akkademiku ma seta’ jħalli l-pajjiż u biex dawk li hemm barra mit-Turkija jirritornaw kemm jista’ jkun malajr.
Ukoll, madwar 1,577 professur universitarju kienu mitluba jirriżenjaw minħabba l-appoġġ tagħhom għall-kolp ta’ stat. Dan apparti 21,000 għalliem u 15,000 impjegat tal-Ministeru tal-Edukazzjoni.
Dan qanqal ħafna suspetti madwar l-Ewropa dwar il-ħeffa li biha l-Gvern Tork irnexxielu jidentifika dawn l-eluf kollha ta’ nies li suppost appoġġjaw il-kolp ta’ stat f’temp daqstant qasir. Dan qanqal suspetti li l-Presdient Tork Tayyip Erdogan approfitta minn dan l-attentat ta’ kolp ta’ stat biex jeħles minn kull kritika u oppożizzjoni kontrih.
L-akkuża kontra ħafna hi li għandhom rabtiet ma’ Fethullah Gulen, eksalleat ta’ Erdogan imma li ilu
