Żagħżugħa ta’ 25 sena min-Naxxar sofriet feriti ħfief wara li kienet involuta f’inċident tat-traffiku f’Ħal Għargħur.
L-inċident seħħ għall-ħabta tad-9.10am fi Triq San Brinċat, meta seħħ impatt bejn il-karozza misjuqa miż-żagħżugħa u karozza oħra, misjuqa minn żagħżugħ ta’ 29 sena minn San Ġwann.
Iż-żagħżugħa ngħatat l-ewwel għajnuna medika fil-post qabel ma ttieħdet l-Isptar. Hemm hi kienet iċċertifikata li qed issofri minn feriti ħfief.
